बाढीपीडितहरुले पाएनन् राहत
कैलालीको गौरीगङ्गा नगरपालिका ११ का बाढीपीडित । तस्बिर ः सुरेश भुल
सुरेश भुल
कैलाली , भदौ २७ गते । कैलालीको गौरीगङ्गा नगरपालिका ११ का बाढीपीडितहरुले अँझै राहत नपाएको दुखेको गर्दै आएका छन् ।
गत भदौ ४ गते राति परेको अबिरल वर्षा कारण कटैनी खोलामा आएको बाढीले चम्रैया, शिवपुर र कान्तिपुरका ५१ घरमा पुर्ण क्षति गरेको थियो ।
घरमा बाढी पसेपछि उनीहरुको त्यहाँ राखेको दाल, चामल, पिठो, धान , गहुँ तथा लुगा कपडा भाँडा वर्तन सबै डुबाएको थियो ।
घरमा भएको सबै खाने कुरा बाढीले बगाएपछि यती बेला बिहान बेलुकाको छाक टार्न समेत सकस हुने गरेको गौरिगङ्गा नगरपालिका ११ की रमा रावलले बताउनुभयो ।
उहाँले भन्नुभयो, “ अन्य धेरै ठाउँका बाढीपहिरो पीडितलाई राहत दिएको कुरा सुनेका छौ । तर हाम्रो यहाँ भने अहिले सम्म केही राहत मिलेको छैन् ।
बाढीका कारण घरबास उठीबास भएको बेलामा पनि कही कतैबाट सहयोग नमिलेको रावलले बताउनुभयो ।
पहिला बाढीपीडितको विवरण सङ्कलन गर्ने काम भयो । अहिले त्यो सबै विवरण पालिकामा आईसकेको छ ।
प्रदेश सरकारले बजेट नल्याएको र पालिकाको पनि नयाँ खाता नखोलेकोले यहाँका बाढीपीडितलाई राहात दिन नसकेको गौरीगङ्गा नगर प्रमुख देबिदत्त कडेलले बताउनुभयो ।
